唔通真系爱情第一，友谊第二？
艺人冯盈盈与医生男友Martin分手后，身边不乏异性，火速与大只仔主播郑衍峰传绯闻之外，最近更传出与赌王四房公子何猷亨挞着，感情生活可谓多姿多釆。不过绯闻一出冯盈盈被指钓金龟，即搵好姊妹江嘉敏做挡箭牌，话系对方介绍，不过江嘉敏就唔认，反而周围呻畀人拖落水，强调自己冇做媒人，传出姊妹情起暗涌。爆出冯盈盈与何猷亨一早认识后，江嘉敏反指系冯盈盈请佢去船P，发生亿元船P罗生门事件！
江嘉敏怒爆发文。
江嘉敏前晚突然在喺社交网“有感而发”，形容现实生活似“狼人杀”：“生活根本就系一场狼人杀。你根本唔知边个讲紧真话边个讲紧大话，亦都唔知边个系狼人边个先系村民。#听到啲唔应该听到嘅嘢#有感而发#其实世界好细#说话唔能够乱讲尤其系大话#人言可畏#真系知人口面不知心”有网友揣测系咪讲紧冯盈盈。
似乎有弦外之音！
有网友揣测讲紧冯盈盈。
江嘉敏透过电话回覆东网：“我哋有联络呀，仲约食tea、食饭，因为佢就生日嘛！不过我哋最近都开工，仲未夹到可以食饭呀。（发文闹边个？）呢个我唔应喇，系啲私事，只系真系太嬲，抒发吓情绪。”而盈盈就话：“我都唔清楚发生咩事，问佢本人比较好，谢谢！（佢有冇约你庆生？）都有，但大家都要开工，各有各忙，好多人约我都未有时间安排到。”东网再联络上江嘉敏，佢话：“我都唔知点解佢咁答，要问番佢，哈哈！”
洪泽论坛：https://www.hongzeluntan.com/
