暑假将做老窦的“大细路”陈山聪，去年结婚后变得愈来愈稳重，一切以家庭为先，顿变“顾家男”。期待儿子出世的他同时倍思亲， 忆起亡父心情百感交集：“将来个仔会挂住我，已经好开心。”
现年43岁的陈山聪，去年底与拍拖五年的圈外女友Apple修成正果拉埋天窗， 今年更宣布“一索得男”暑假做老窦。等待儿子出世的他，内心原来百感交集，因不时忆起亡父的相处点滴，他带点遗憾说：“有段时间爸爸喺澳门做嘢，我又挂住做嘢、去玩咁，所以好少去澳门探佢，但到去探佢嗰阵，突然间觉得爸爸老咗好多！好好彩喺爸爸最后一段路，我都能够陪住佢走，唯一遗憾嗰段时间少见咗爸爸，依家都会挂住佢，想话畀大家听要珍惜眼前人，尤其就嚟做人爸爸，希望儿子健康、孝顺我哋，将来个仔会记得我、会挂住我，已经好开心！”
去年凭《金宵大厦》挑战“视帝”的山聪，可惜败给众望所归的马国明，今年再有悬疑剧《十八年后的终极告白》出街，若然荣升爸爸兼夺得视帝，岂不是双喜临门？山聪却一副有子万事足的模样笑说：“颁奖礼年尾嘅事，可能仲有剧出呢！冇谂到咁远，依家最紧要系小朋友出世，心情好兴奋、好奇妙，好多嘢谂，有咩未准备好？佢出世会系点呢？好期待个仔出世。”曾经年少轻狂的他，组织家庭后变得稳重，一切以家庭为先：“依家家庭观念重咗好多，会谂多咗将来，为太太、囝囝生活打算，依家开Turbo搏命搵钱，希望畀太太、囝囝有健康、安稳嘅生活。”
去年是山聪事业起飞的一年，今年继续声势向上，《十》剧出街后口碑甚佳，除了演技上有发挥，更有骚肌场口给贪靓的他“个人表演”，他说：“拍完《金宵》后五日就拍《十八年后的终极对白》，由角色到身形都好大反差，监制话第一集就要拍打擂台戏，梗系要除衫啦，我同监制讲畀一个月时间我，搵咗三个教练地狱式训练， 用最短时间练出钢条身形。”
“台上一分钟，台下十年功”，山聪为一场打擂台戏地狱式狂操个半月，换来近乎零脂肪身形，他说：“要乾身又有肌肉系好难练，嗰个半月好痛苦，戒油、盐、糖、食烚鸡肉，开工前就做Gym加跑步，身形从来未试过咁弗！拍擂台戏之前仲要脱三日水，每日饮十公升水帮助排走水分、盐分，去到最后拍嗰日几乎系零脂肪，拍嗰日冇饮水先辛苦，但系值得。之后《唐人街》再嚟一次更加极致，身形有90分，但系真系惊咗，可以唔使脱就唔好再脱喇！”
戏如人生，演员的人生亦往往因戏剧改变，山聪当初为弗爆身形茹素，但拍剧后为健康着想，仍保持饮食习惯至今：“拍《唐》嗰阵食鸡肉食到反胃，见马德钟食素食咁好，就开始半食素， 一直到依家主要都系素食！有时我都会食吓鱼、海鲜，食素之后身体健康、精神好好多。”
◆文章图片来源转自于网络
