歌手吕方曾经同郑裕玲拍拖16年，虽然之后都係分手收场，但係佢身边一直唔缺女伴，大家都以为佢係冇脚嘅雀仔唔会停落嚟嘅时候，至2013年年尾影到佢同一位名叫Rainbow嘅「高妹」拍拖开餐，嚟到今年佢哋已经结束爱情长跑结埋婚，而Rainbow仲大埋肚佗紧5个几月B，父女恋修成正果真係恭喜晒！
现年55岁嘅吕方一直都好保护呢段恋情，皆因Rainbow嘅年纪同佢相差足足16年，2015年喺宣布开红馆骚嘅记招上面公开确认Rainbow嘅女友地位，但係当时吕方叫大家称呼女友做「吕小姐」，
其实Rainbow嘅中文名係伍惠宝，佢喺2010年搞咗个网上买餸平台，之后生意愈做愈大，保守估计有几千万身家走唔甩，吕方为咗唔想影响到女友嘅生意先至帮佢改姓。
而吕方除咗结婚同做老窦之外，原来仲有一件喜事喺今年发生，就係相隔五年再次成功申请红馆开骚，将于十二月头举行演唱会，面对BB出世同开骚两件大事，除咗要照顾怀孕太太嘅起居饮食之外，仲要不停操Fit应付演唱会，虽然忙到爆炸，但係三喜临门咁开心，难怪吕方都话心情兴奋到爆啦！
记者随即致电给吕方，问他即将做爸爸感受？他回覆说：「我心情紧张又兴奋，人生走向另一个阶段，学习做个好爸爸。」问到最欣赏太太甚麽？令你结婚又生B？他说：「善良 （有冇睇育儿心得，为日后做好准备？）有陪太太一齐睇。」并説今朝早好忙，好多朋友知道消息之后打电话恭喜佢，令佢应接不暇。
洪泽论坛：https://www.hongzeluntan.com/
